Yılbaşı Kutlaması ve Öğrenci Kimlik Kartlarının dağıtımı töreni

    25  Dekabr  2017- ci ildə Anadolu Universiteti  Azərbaycan  Programlarında  Azərbaycandan distant formada təhsil alan tələbələrin iştiraki ilə "Tələbə biletlərinin (öğrenci kimlik kartlarının)  təqdimati",  31 Dekabr- Dünya Azərbaycanlılarının Həmrəyliyi  Günü və Yeni il bayramı münasibətilə əyləncəli-musiqili tədbir keçirilmişdir. Çoxsaylı  tələbələrin iştirakı ilə keçirilən tədbir salonu küknar şamı olmaqla  digər  dekorasiya elementləri ilə  xüsusi olaraq bəzədilmişdir.

   Tədbiri giriş sözü ilə açan  Anadolu Universitetinin Azərbaycan Proqramları üzrə "Təşkilati məsələlər və Tələbə işləri“ müdiri Araz Hətəmzadə tədbir  iştirakçılarını salamladı, onları yeni  tələbə biletləri almaları, 31 Dekabr Dünya Azərbaycanlılarının Həmrəyliyi Günü və qarşıdan gələn  Yeni İl bayramı  münasibətilə  təbrik etmiş, onlara  gələcək dərslərində və imtahanlarında uğurlar arzulamışdır.

    Sonra  tədbirə təşrif buyuran  "Şaxta baba"  tələbələrlə şən zarafatlar,  rəqslər, əyləncəli və maraqlı oyunlar keçirərək onlara öz hədiyyələrini təqdim etmişdir. Daha sonra  tələbələr onların ovqatlarını xoş edən şən musiqi sədaları altında rəqslərini davam etdirdilər və bu xoş əhval ruhiyyəli tədbirdən məmnun qalaraq,  Anadolu  Universiteti  Azərbaycan  Proqramları  kollektivinə  öz təşəkkürlərini  bildirdilər.

   Sizə tədbirdən  olan  görüntüləri  təqdim  edirik: